|
Þá eru allir hvolparnir komnir með ný heimili |
 |
 |
 |
|
Laugardagur, 21 Ágúst 2010 17:34 |
Jæja.. nú eru allir hvolparnir hennar Kringlu farnir á ný heimili. Kraftur fór til hennar Arnþrúðar Heimisdóttir að Langhúsum í Fljótum, Kambur ætlar að búa hjá Atla á Glaumbæ í Skagafirði, Kleopatra er hjá henni Malin Person að Kolugili, Karmur er hjá henni Karen í Hafnarfirði og Kolur er komin á Selfoss til hennar Kristínar. Þannig að hér er bara allt dottið í dúnalogn, en það er nú samt pínu söknuður í gangi..allavegana hjá mér, veit ekki alveg með hana Kringlu mína;-) Og ef að allt gengur að óskum, þá er næsta pörun hjá henni Kringlu áætluð á næsta ári (2011) Og meira að segja búið að ákveða hvaða hundur verður svo stálheppinn að fá að verða pabbinn;-) ;-) |
|
|
Hvolparnir orðnir 5 vikna |
|
|
|
|
Föstudagur, 16 Júlí 2010 12:45 |
|
Jæja nú eru hvolpaskottin orðin 5 vikna og þæg og góð að sjálfsögðu:D. Á myndasíðunni minni er fullt af nýjum myndum sem Kolla Grétars tók.
|
|
Sunnudagur, 04 Júlí 2010 11:55 |
|
Jæja, þá er það konan sem lofaði að vera dugleg að uppfæra. Nú eru hvolparnir orðnir aðeins rúmlega 3ja vikna og ég horfi á þau stækka og tútna út. Kringla mjólkar alveg svakalega vel og er mjög góð móðir. Þau eru alveg ótrúlega lík í útliti og stærð og eru öll mjög róleg og góð "ennþá" ;-) Öll eru komin með nöfn, en þau eru : Kraftur,Kolur,Kambur,Kruða og Karmur, en Karmur er á leiðinni í Hafnarfjörð og var kaupandi hans búin að velja nafnið þegar hún kom að skoða.(sniðugt að það skyldi byrja á kái :D) Þá er Kruða líka lofuð. Væntanlegir eigendur ráða svo endanlega nöfnunum á þeim að sjálfsögðu. Svo á ég von á eðalljósmyndara í heimsókn um eða eftir helgina þannig að þá koma örugglega flottar myndir inná síðuna. |
|
Ég heiti Herdís Gróa Tómasdóttir og er fædd og uppalin í Borgarfirði. Í minni æsku voru alla tíð heimilishundar, þannig að þegar ég byrjaði sjálf að búa kom aldrei annað til greina en að hafa hund á heimilinu. Ég fluttist til Grundarfjarðar í kringum 1995. Ég ræktaði um tíma Gordon setter, en þá sótti ég um ræktunarnafnið "Kirkjufells" og var svo lánsöm að fá það, en fjallið Kirkjufell er mjög fallegt fjall sem gnæfir yfir bæinn og er tákn og stolt okkar Grundfirðinga. Hér er gott að vera með hunda og margar frábærar gönguleiðir allt í kring. Fyrsta íslenska hundinn fékk ég svo 2001, og þar með var ég kolfallin fyrir þessari hundategund og búin að vera það síðan. |
|
|
Forsíða
